Ցուցահանդես-բանախոսություն ՆԱՄ-ում

Հոկտեմբերի 19-ին, ժամը 18։30-ին «Նարեկացի» արվեստի միությունում տեղի կունենա «Ախթալայի որմնանկարները․ միջնադարից մինչև մեր օրեր» խորագրով միջոցառումը։

Ախթալայի վանքի որմնանկարները ոչ միայն միջնադարյան հայ մշակույթի բացառիկ գանձերից են, այլև քրիստոնեական Արևելքի տարբեր մշակութային ու աստվածաբանական ավանդույթների յուրահատուկ հանդիպման վկայություն։

Նրանց պատկերագրական հարստությունը, գունային ինքնատիպությունը և աստվածաբանական խորությունը Ախթալան դարձնում են XII–XIII դարերի արվեստի առանձնահատուկ հուշարձան։

Երեկոյին բանախոսությամբ հանդես կգա Ախթալայի Սուրբ Աստվածածին եկեղեցու վանահայր Տեր Հեթում քահանա Թարվերդյանը։

Միջոցառմանը ՆԱՄ ցուցասրահում կներկայացվեն նաև Ախթալայի վանքի որմնանկարների լուսանկարները։

Լուսանկարիչ՝ Հրայր Բազէ Խաչերեան

Ցուցահանդեսը բաց է մինչև հոկտեմբերի 28-ը։
Մուտքն ազատ է։
Հասցե՝ ք․ Երևան, Վարդանանց 16/1
Հեռ․ +374 10 580105